xavf
хавфxavf
ot 1. Biror xatarli hodisa yoki falokat sodir boʻlishi ehtimolligi, xatar.
Bu voqeadan xabar topgan Sulton Ali mirzo oʻlim xavfi oʻziga ham yaqinlashib kelayotganini sezdi — P. Qodirov, Yulduzli tunlar
Shoshish kerakmas, chunki bu yil toshqin xavfi yoʻq. — A. Qahhor, Qoʻshchinor chiroqlari
2. Xavotirlanish, xavfsirash; xavotir, tashvish.
Hamisha xavfda koʻnglim bu muhabbat intihosidan, Meni ham etmasa majnun debon Raʼnoni(ng) savdosi. — A. Qodiriy, Mehrobdan chayon
- Xavf ostida Biror narsa yoki kimsaning hayoti, mavjudligi boʻlajak falokat tufayli mahv boʻlish, yoʻq boʻlish ehtimoli yuzaga kelgan holat. Vatanimiz xavf ostida turgan kunlar Qorasuvga borib, toʻy-tomosha qilib berishga fursat yoʻq edi. — O. Yoqubov, Izlayman[Abu Yusuf:] Mirzo hazratlari, saltanatimiz xavf ostida! — P. Qodirov, Yulduzli tunlar— Yoʻq, bugun yoʻlga chiqasan, — deb qoldi kutilmaganda qalpoqcham, — sevgilingning hayoti xavf ostida. — X. Toʻxtaboyev, Shirin qovunlar mamlakati