Характеристика речевая

nutqiy xarakteristika. Badiiy asarda tasviriy ifoda usullaridan biri boʻlib, unda badiiy asardagi qahramon yoki personaj oʻzining biror jihatini, ichki kechinmalarini oʻz nutqi vositasida ochib tashlaydi. Nutqiy xarakteristika koʻrinish jihatidan ikki xil boʻladi: 1. Monologik nutq — bunda qahramon oʻz-oʻzicha soʻzlashi orqali oʻzligini maʼlum qiladi (q. Monolog). 2. Dialogik nutq — bunda asardagi personajlar oʻzaro suhbat, soʻzlashuv orqali bir-birlarini maʼlum qiladilar (q. Dialog). Hozirgi davr adabiyotida psixologik tahlilning rivojlanganligi sababli nutqiy xarakteristikaning har ikki turi, ayniqsa monologik nutq juda koʻp qoʻllaniladi.