хампа

от 1. Дон, ғалла ва шу кабилар қўйиш ва сақлаш учун қурилган махсус жой; кандик.

— Бир кун омборда қараб турсам, хампанинг бурчаги камар бўлиб қолди, шувуллаб кетяпти, қани энди тўхтаса. — С. Маҳкамов, Шогирд

2. махс. Тегирмон қурилмасининг тортиладиган дон солинадиган қисми.

Айлана-ётган тегирмон тошлари орасига хампадан буғдой тўкилиб турар эди.

3. Новвойхоналардаги хамир қорадиган ва оширадиган катта идиш; хамир тоғора.

Юз тоннали хампада хамирлар гупуради. — Ғ. Ғулом

Хампасида бир кафт ун қолмай, танқисликка учраган хонадонларда бу ном тез-тез тилга олинар эди. — С. Анорбоев, Сайли

4. с. т. Айрим деҳқончилик машиналарининг сепиладиган уруғ, ўғит ва шу кабиларни ортиб юрадиган яшиксимон қисми.

— Шу хампани беш юз килограмм чигит сиғадиган қилиб ясаб беринг, ўн минутда чигит тугаб қолиб, хуноб қиляпти, — илтимос қилди у. — Р. Раҳмонов, Тиниб-тинчимас