xamirturush

ot 1. Xamirni oshirish uchun ishlatiladigan achitqi.

Obi non (uy noni) tayyorlash uchun 40 g xamirturush kerak boʻladi. — K. Mahmudov, Oʻzbek tansiq taomlari

2. koʻchma Oʻgʻit, goʻng.

Yer — xamir, oʻgʻit — xamirturush. — Maqol

3. koʻchma Biror narsaning boshlanishi, yuzaga kelishi yoki amalga oshishi uchun asos yoki dastak boʻladigan omil, poydevor.

— Yaxshidan bogʻ, yomondan dogʻ, — deganlaridek, hozirgi bogʻimizga ilk xamirturush tashlagan, qoʻling dard koʻrmagur shu ota boʻladi, — dedi rais. — M. Nazarov, Jilvon jilvalari