xaker

ot 1. Kompyuter dasturlarini yaratishga oʻta ishqiboz boʻlgan kishi.

2. Kompyuter dasturlari va qoidalarini buzuvchi — huquqi boʻlmagani holda kompyuter dasturlariga oʻzgartirishlar kiritadigan shaxs; yuqori malakali programmist.

3. Bank, tijorat, davlat, harbiy va boshqalar tashkilotlardagi axborotlarning himoya vositalarini yoʻqotib, oʻta qimmatli maʼlumotlarni qoʻlga kiritish, oʻzga hisobraqamlardagi pulni oʻzlashtirish, kompyuterlarga virus yuqtirish kabi ishlarni amalga oshirishga urinuvchi shaxs.

Soʻnggi yillarda odatdagi xakerlar bilan bir qatorda kibernetik terrorchilarning xurujlari ham qayd etilyapti. — Gazetadan

AKT sohasida turli noqonuniy harakatlarni bajaruvchi shaxs: boshqa tarmoqlardan ruxsatsiz foydalanish va ulardan axborot olish; dasturiy mahsulotlarning muhofazasini noqonuniy ravishda buzish va ularning nusxalarini koʻchirish; kompyuter viruslarini yaratish va tarqatish va h.k. Shuni taʼkidlash kerakki, xaker harakatlari turli jinoyat va fuqarolik qoidabuzarliklar tarkibini tashkil qiladi.inglizchahackerruschaхакер