Вводная новелла

кириш ҳикоя. Катта бадиий асарга муқаддима сифатида киритилиб, унинг асосий мазмунига сингдирилиб юборилган, ёрдамчи ҳикоя сифатида асосий баёнга бир очқич вазифасини ўтайдиган ҳикоя. Кириш ҳикоялар ўз моҳиятига кўра пролог (қ.) ларга яқин туради. Кириш ҳикоялар асосан катта эпик турга мансуб асарларда учрайди. А. Мухторнинг «Чинор» романидаги Чинор ҳақидаги ҳикоя, Ғ. Ғуломнинг «Тирилган мурда» повестидаги Абутанбал ҳақидаги афсона кириш ҳикояларга мисол бўла олади.