ВНУТРЕННИЙ КОНТУР НЕФТЕНОСНОСТИ

сув-нефт туташ юзасининг нефт сақловчи қатлам таги билан кесишган чизиғининг горизонтал текисликдаги проексияси. Уюмни ишлаш жараёнида нефтлилик чегарасининг ҳолати доимий қолмайди. Нефт (ёки газ) олинган сари чегаралар аста-секин уюм марказига силжийди. Шунинг учун ҳам конни рационал ишлашда нефтлилик чегараларини бир меъёрда силжишга интилиш керак. Уюмни ишлатиш чоғида қатлам қалинлиги бўйича нефт ва газга тўлиши кечикса, натижада нефт ва газ етишмай қолса, у ҳолда нефтлилик (газлилик)нинг ички чегараси сезилмай қолади ёки бутунлай ёʻқ бўлиб кетади. Массив сақлагичлардаги уюмларда нефтлилик (газлилик)нинг ички чегараси бўлмайди. Нефтлиликнинг ички чегараси доирасидаги нефт уюмининг бир қисми қатламнинг нефтга бутунлай тўйинган зонаси деб аталади. Нефтлиликни ички ва ташқи чегараси билан чекланган чегара олди зонада қатламнинг нефтга тўйинган фойдали қалинлиги 100% дан (ички чегарада) нолгача (ташқи чегарада) ўзгаради., Нефтлиликнинг ички чегараси