Visual Basic

Qoʻllanmalarni ishlab chiqish uchun Microsoft kompaniyasi tomonidan ishlab chiqilgan dasturlash tili va muhiti. Visual Basic BASIC tiliga asoslangan va foydalanuvchi interfeysini ishlab chiqish uchun grafik dasturiy muhitni taqdim qiladigan birinchi mahsulotlardan biridir. Dasturchilar Visual Basic tilida boʻlgʻusi dasturning interfeysini shaklga kerakli boshqarish vositalarini (tugmacha va dialog oynalarini) joylash hisobiga, keyin ularning tashqi shaklini va xossalarini aniqlash orqali yaratadilar. Visual Basic obyektlar uchun aloqa va butlash texnologiyasini quvvatlaydi. Visual Basicni mazmunan obyektga yoʻnaltirilgan til demay, uni koʻproq “hodisalarga asoslangan til” (event-driven language) deb atashadi, chunki har bir obyekt turli hodisalarga javoban harakat qiladi (masalan, sichqoncha tugmachasini bosish). Visual Basicda qoʻllangan yondashuv 1990 yilda tilning chiqqan kunidan boshlab dasturlash tillari uchun standart boʻlib qoldi. Hozirga kelib, bir qancha dasturlash tillari, shu jumladan, S, S++, Pascal va Java tillari uchun qoʻllanmalar ishlab chiqishning vizual vositalari mavjud.