Виды эпической литературы

epik adabiyot xillari. Odatda, epik adabiyot deyilganda, adabiyotning bir turi — epik tur tushuniladi va unga roman, povest, qissa, hikoya, ocherk, epos, ertak kabi janrlar kiradi. Epik turga mansub namunalarda voqealar bayoni yetakchi oʻrinni egallaydi. Har bir xalq adabiyotida epik turning shakllanishi shu xalq ogʻzaki ijodi bilan bevosita bogʻliq. Oʻzbek xalq ogʻzaki ijodida epik turning yirik dostonlardan tortib kichik latifalargacha boʻlgan koʻrinishlari mavjud. Epik tur namunalari shakli va qamrab olgan voqealari mazmuniga koʻra uchga boʻlinadi: a) Katta epik tur — epos, roman (dilogiya, trilogiya), epopeya; b) Oʻrta epik tur — povest, qissa kabilar; v) Kichik epik tur — hikoya, ocherk, latifa kabilar.