Виды эпической литературы

эпик адабиёт хиллари. Одатда, эпик адабиёт дейилганда, адабиётнинг бир тури — эпик тур тушунилади ва унга роман, повест, қисса, ҳикоя, очерк, эпос, эртак каби жанрлар киради. Эпик турга мансуб намуналарда воқеалар баёни етакчи ўринни эгаллайди. Ҳар бир халқ адабиётида эпик турнинг шаклланиши шу халқ оғзаки ижоди билан бевосита боғлиқ. Ўзбек халқ оғзаки ижодида эпик турнинг йирик достонлардан тортиб кичик латифаларгача бўлган кўринишлари мавжуд. Эпик тур намуналари шакли ва қамраб олган воқеалари мазмунига кўра учга бўлинади: а) Катта эпик тур — эпос, роман (дилогия, трилогия), эпопея; б) Ўрта эпик тур — повест, қисса кабилар; в) Кичик эпик тур — ҳикоя, очерк, латифа кабилар.