Виды эквивалентности

1. Ekvivalent (muqobil)likning quyidagi besh turi ajratiladi: (1) Denotativ muqobillik. Bunda matnning predmetli mazmunini saqlash koʻzda tutiladi (tarjimashunoslikka oid adabiyotlarda u “mazmuniy invariantlik” deb nomlanadi); (2) Konnotativ muqobillik. Bunda matn konnotatsiyasini sinonimik til vositalarini maqsadli tanlash yoʻli bilan berish koʻzda tutiladi (tarjimashunoslikka oid adabiyotlarda u stilistik ekvivalentlik deb nomlanadi); (3) Matniy-meʼyoriy muqobillik. Matnning janr xususiyatlariga, nutq va til meʼyorlariga yoʻnaltirilgan ekvivalentlik (tarjimashunoslikka oid adabiyotlarda u ham stilistik ekvivalentlikni anglatadi); (4) Pragmatik muqobillik. Qabul qiluvchiga nisbatan muayyan munosabatni oʻz ichiga olgan pragmatik muqobillik (tarjimashunoslik adabiyotlarida “kommunikativ ekvivalentlik” deb ham yuritiladi); (5) Shakliy muqobillik. Asliyatning badiiy va estetik, individuallashtiruvchi va boshqa shakliy alomatlarini berishga qaratilgan shakliy muqobillik., Ekvivalent (muqobil)lik turlari

2. Uch xil ekvivalentlik (muqobillik) quyidagilardir: (1) Shakliy (formal) muqobillik. Bunda ikki tildagi umumiy maʼnolar oʻxshash til shakllari vositasida ifodalanadi; (2) Maʼnoviy muqobillik. Bir xil maʼnoni turli yoʻllar bilan ifodalash; (3) Vaziyat bilan bogʻliq muqobillik. Bunda aynan bir xil vaziyat turli shakllarda berilishdan tashqari, turlicha ifodalangan turli elementar maʼnolar (semalar) yordamida ham tasvirlanadi.