ВЕРТИКАЛЬНОЕ СЕЙСМОПРОФИЛИРОВАНИЕ (ВСП)

Vertikal seysmik profillash (VSP) — seysmorazvedka turi. VSP burg quduqdagi oʻlchash asbobi va seysmopriyemniklar yordamida maʼlum yoʻnalish boʻyicha yer yuzasida joylashtirilgan va bir necha (odatda 2—3 ta) portlatish nuqtalari orqali hosil boʻlgan toʻlqin tebranishlarini oʻrganadi. Portlatish nuqtalari orasidagi masofa geologik qatlamlarning joylashgan chuqurligiga bogʻliq. Birinchi portlatish nuqtasi quduq ogʻzidan 50—150 m masofada joylashtiriladi. Katta chuqurlikdagi qatlamda portlatish nuqtalari orasidagi masofa ham katta boʻladi. Murakkab geologik sharoitlarda yer yuzida toʻlqinlarni ajratish va qayd qilishda VSP qoʻl keladi.