Венок сонетов

Oʻn besh sonet (q.) — 210 misradan iborat sheʼriy asar. Sonetlar guldastasi shunday murakkab tuzilishga egaki, unda har bir sonetning birinchi misrasi oʻzidan oldingi sonetning oxirgi misrasi bilan boshlanadi, oxirgi sonet magistral deb ataladi. Magistral sonet oʻn toʻrt sonetning birinchi misralaridan tashkil topadi. Xuddi mana shu yoʻl bilan sonetlar bir-biriga mustahkam bogʻlangan boʻladi. Sonetlar guldastasi eng murakkab sheʼriy shakllardan boʻlgani uchun koʻpgina shoirlar bunday asar yaratish sharafiga muyassar boʻla olmaganlar. Sonetlar guldastasi yaratishga intilgan koʻplab shoirlar, chuqur bir mazmunni ifodalay olmay, quruq shaklbozlikka berilib ketganlar. Sonetlar guldastasi Yevropa adabiyotida dastlab XIII asrda yaratilgan. Bunday sharafga rus shoirlaridan V. Bryusov (1873—1924), Vyacheslav Ivanov (1866—1949), M. Voloshin (1878—1932), I. Selvinskiy (1899—1968)largina muyassar boʻlganlar. I. Bekkerning «Germaniyaning ikkinchi jahon urushi qurbonlariga» asari sonetlar guldastasining goʻzal namunasi hisoblanadi. Oʻzbek sovet poeziyasida birinchi marta Barot Boyqobilov Oʻzbekiston haqida sonetlar guldastasini yaratdi., sonetlar guldastasi