ВЕДУЩИЕ БУРИЛЬНЫЕ ТРУБЫ

rotordan burgʻilash quvuriga aylanma harakat uzatuvchi hamda vertlyug bilan burgʻilash quvurlarini biriktiruvchi boʻgʻin. Ular asosan toʻrtburchak (kvadrat), baʼzan oltiqirrali koʻrinishda boʻlib, rezbali biriktirishga moslangan. Yuqoridagi chap rezba oʻtkazgichga va u oʻz navbatida vertlyugga ulanadi, pastdagi oʻng rezba esa qulfli boʻladi. Vertlyugning chap rezbasi oʻng tomonga aylanayotgan burgʻilash birikmasi bilan mustahkam birikadi. B.b.q. kvadrati tomoni 65, 80, 115, 140 va 155 mm boʻladi. B.b.q. D va K mustahkamlik guruhiga kiruvchi poʻlatlardan, oʻtkazgichlar esa 40XN markali poʻlatdan 4543—71 GOST boʻyicha tayyorlanadi. B.b.q. va oʻtkazgichlarning mexanik xususiyatlari V.1-jadvalda berilgan., Boshqaruvchi burgʻilash quvurlari