{"headword": "veb-hujjat", "key": "veb hujjat", "entries": [{"dictionary": {"name": "Axborot-kommunikatsiya texnologiyalari izohli lugʻati", "title": "Ахборот-Коммуникация Технологиялари Изоҳли Луғати", "kind": "Terminologik", "imprint": "Амиров, Д.М.; Атаджанов, А.Ю.; Атаджанов, Д.Ю.; Ибрагимов, Д.А.; Раҳимжонов, З.Ё.; Саидхўжаев, С.С. (2010). Ахборот-Коммуникация Технологиялари Изоҳли Луғати. Tashkent: БМТТДнинг Ўзбекистондаги ваколатхонаси.", "url": "https://til.uz/lugatlar/axborot-kommunikatsiya-texnologiyalari-izohli-lugati/", "page": "54"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "Odatda, maxsus HTML (Hypertext Markup Language) tilidagi hujjat. Veb-hujjat Umumjahon tarmogʻi asosini tashkil qiladi. Ular gipermatndan iborat boʻlib, foydalanuvchiga ajratib koʻrsatilgan soʻz yoki jumlaga qaratib, maʼlumotlarni oʻqish, hujjatning boshqa qismiga yoki ayni hujjat bilan giperishorat yordamida bogʻlangan boshqa veb-hujjatga oʻtish imkonini beradi. Veb-hujjat, shuningdek, matn, tasvir, tovush, videolarni mujassamlovchi gipermuhit maʼlumotni ham oʻz ichiga olishi mumkin. Veb-hujjatni ochish, ularni oʻqish yoki aks ettirish Internet brauzerlari yordamida amalga oshiriladi. Veb-hujjat tushunchasi “veb-sahifalar” va “veb-saytlar” tushunchalari bilan chambarchas bogʻliq. Odatda veb-sahifasi atamasi veb-hujjat atamasining sinonimini bildiradi, veb-sayti atamasi esa yagona mavzu ostida birlashtirilgan yoki bitta tashkilot, muallif yoki foydalanuvchiga tegishli boʻlgan sahifalar majmuasiga tegishlidir.", "examples": []}, {"order": 2, "text": "Veb-saytning tarkibiy qismi. Fizik nuqtayi nazardan HTML fayldan iborat. Tarkibida matn, tasvir, JAVA appletlari va boshqa veb elementlar boʻlishi mumkin. Sahifa statik yoki dinamik ravishda shakllantirilgan boʻlishi mumkin. Freymlardan foydalangan holatda har bir freym alohida sahifa hisoblanadi.", "examples": []}], "translations": [], "cross_references": [], "extra": {"raw_word": "веб-ҳужжат", "raw_meaning": "ингл: web-document рус: веб-документ 1 Одатда, махсус HTML (Hypertext Markup Language) тилидаги ҳужжат. Веб-ҳужжат Умумжаҳон тармоғи асосини ташкил қилади. Улар гиперматндан иборат бўлиб, фойдаланувчига ажратиб кўрсатилган сўз ёки жумлага қаратиб, маълумотларни ўқиш, ҳужжатнинг бошқа қисмига ёки айни ҳужжат билан гиперишорат ёрдамида боғланган бошқа веб-ҳужжатга ўтиш имконини беради. Веб-ҳужжат, шунингдек, матн, тасвир, товуш, видеоларни мужассамловчи гипермуҳит маълумотни ҳам ўз ичига олиши мумкин. Веб-ҳужжатни очиш, уларни ўқиш ёки акс эттириш Интернет браузерлари ёрдамида амалга оширилади. Веб-ҳужжат тушунчаси “веб-саҳифалар” ва “веб-сайтлар” тушунчалари билан чамбарчас боғлиқ. Одатда веб-саҳифаси атамаси веб-ҳужжат атамасининг синонимини билдиради, веб-сайти атамаси эса ягона мавзу остида бирлаштирилган ёки битта ташкилот, муаллиф ёки фойдаланувчига тегишли бўлган саҳифалар мажмуасига тегишлидир. 2 Веб-сайтнинг таркибий қисми. Физик нуқтаи назардан HTML файлдан иборат. Таркибида матн, тасвир, JAVA апплетлари ва бошқа веб элементлар бўлиши мумкин. Саҳифа статик ёки динамик равишда шакллантирилган бўлиши мумкин. Фреймлардан фойдаланган ҳолатда ҳар бир фрейм алоҳида саҳифа ҳисобланади."}}]}