Вдохновение

ilhom. Ijodkorning gʻoyat jiddiy, koʻtarinki ruhda ijod etishi. Ilhom bilan ijod qilish badiiy asar taʼsirchanligining asosiy shartlaridan biridir. Ilhom bilan ishlaganda ijodkorning fikr-tuygʻulari quyulib keladi. U koʻpdan javob topa olmay yurgan savollariga javob topadi, chigal muammolarni hal qiladi. Qadimgi greklar ilhomni talant singari ilohiy tuhfa hisoblab, uni goʻzal pari sifatida tasavvur qilganlar. Rimliklar esa ilhom bilan ijod qilishni qanotli ot (Pegas) da sayr etishga qiyoslaydilar. Ilhomni majoziy maʼnoda pari, ohularga oʻxshatish oʻzbek shoirlari ijodida ham uchraydi.

Ishim bordir oʻsha ohuda, U menga koʻrinar har zamon, Fikrimni chulgʻaydi beomon, Oʻtlarga tashlaydi xoʻp yomon, Ishim bordir oʻsha ohuda... — Ҳ. Олимжон