vagon

ot Temir yoʻllarda yoʻlovchilar va yuklarni tashish uchun moʻljallangan, ochiq yoki yopiq (uy) shakldagi gʻildirakli maxsus qurilma.

Temir yoʻl vagoni. Tramvay vagoni. Vagon oʻqi.

Poyezd yaqinlashdi. Vagonlarda tik turib kelayotgan soldatlar koʻrindi. — R. Fayziy, Sen yetim emassan

Bir izli tramvay yoʻlida birgina vagon bekat-bekatda kutib turardi. — N. Safarov, Olovli izlar

Ha, u yuk tashiydigan vagonda joʻnaydi yuklarning orasida pisib ketadi. — Oybek, Tanlangan asarlar