уятли

uyatli

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

уятли

сфт. 1. Киши уяладиган, кишини уялтирадиган; хижолатли.

Холмурод бу ҳақда эндигина шубҳа қилар, гўё бир уятли иш қилиб қўйгандай, ўз-ўзидан номусланар эди. — М. Абдулла, Кутилмаган меҳмон

Болалар кетиб қолишибди жуда уятли иш бўлди-ку-а! — Ў. Ҳошимов, Қалбингга қулоқ сол

2. Уят бўладиган, уят мазмунли.

Дори Зоҳид [ўзининг] қозикалон ўғли билан бошидан ўтказган ҳодисаларни уятли таъбирлар билан ёзиб қўйган экан. — С. Айний, Эсдаликлар

Ўткинчиларга уятли гаплар айта бошлади, ҳатто бир хотинга ҳужум қилди. — А. Қаҳҳор, Сароб

Уятли бўлмоқ Уятли, хижолатли ҳолатда қолмоқ. Биз сиздан жуда ҳам уятли бўлдик, почча. А. Қодирий, Обид кетмон.
Уятли қилмоқ Уятли, хижолатли ҳолга қўймоқ. Қўйинг, бобо, ўзимиз ечиб минармиз, бизни уятли қилманг. — Эрали ва Шерали