Upgrade

1. Компютер ёки компютер қурилмасини, масалан, процессорни кучлироққа алмаштириш, тезкор хотира ҳажмини ошириш ва ҳ.к. туфайли янгилаш.

2. Дастурни кейинги версияга янгилаш. Компютер дастурларини ишлаб чиқарувчилар янги версия чиқишида нафақат тўлиқ янги ўрнатиш пакетини, балки аввалги версиялар фойдаланувчилари ишлатиши мумкин бўлган янгилаш пакетларини ҳам ишлаб чиқаради. Янгилаш пакетининг ҳажми одатда камроқ бўлади, чунки унинг ичига фақат ўзгартириш ёки қўшиш лозим бўлган файллар кириб, кўпгина файллар эски нусхадан олинади (тўлиқ пакетга ушбу файллар ҳам ёзилади). Дастур пуллик бўлса, янгилаш тўлиқ пакетга қараганда арзонроқдир. Дастур бепул бўлса ва янгилаш Интернет орқали амалга оширилса, янгилаш камроқ вақт талаб қилиши боис уни юклаб олиш учун камроқ вақт кетади.