uloq
улоқuloq I
ot 1. 1 ot Ulanadigan narsa.
Uloq solmoq. Arqonning ulogʻini olib tashlamoq.
Yirtigʻingizga yamoq, uzugʻingizga uloq tegmay yurardingiz, — dedi Nafisa eriga. — Shuhrat, Jannat qidirganlar
2. sft. Turli yoʻl bilan (bogʻlash, tikish, yelimlash, kavsharlash, mixlash va shu kabilar bilan) oʻzaro tutashtirib, mahkamlab biriktirib qoʻyilgan, ulangan bir necha boʻlakdan iborat, yaxlit emas.
Uloq arqon. Uloq dasturxon. Uloq sim. Uloq tunuka.
Boy bobomning qizlari, Sochi uloqqa oʻxshaydi. — Oq olma, qizil olma
3. ot Narsaning boʻlaklari oʻzaro ulanganda hosil boʻlgan tuguni yoki choki, ulangan joyi.
Arqonning ulogʻi. Pardaning ulogʻi. Elektr simining ulogʻi. Tunukaning ulogʻi.
- Uloq bermoq 1. Uloqda chopiladigan, oʻrtadan olib, marraga yetkazib tashlanadigan echki, buzoq kabini bermoq. Har kun ikki yuz qozon osh damlanar ikki yuzlab uloq berilar, mamlakatdan toʻyga keluvchi aʼyonga har kun minglab toʻn kiydirilar edi. — A. Qodiriy, Mehrobdan chayonUloq bergan kishi sovrin ham beradi-da. — M. Ismoiliy, Fargʻona tong otgunchaRuxsatsiz uloq bergan kishiga jarima solinur. — Mushtum
- Uloq chopmoq Uloq oʻyinida qatnashmoq. Dadam Mahkamning bobosining uloq chopishini gapiraversa, kishi hayron qoladi. — A. Qodiriy, Uloqda
- Uloq qilmoq Biridan biri olib, olib qochib oʻyin qilmoq, uloq kabi oʻyin qilmoq. Tagʻin ehtiyot boʻl, qoʻrboshilar oʻgʻirlab ketib, uloq qilmasin. — Oydin, Hikoyalar
- Uloqni olmoq Uloqda, umuman, musobaqada gʻolib chiqmoq, gʻalaba qilmoq. Bu safar uloqni mehmonlar olishdi.Andijon, Surxondaryo uloqni olib, Xorazm, Qashqadaryo quvlashib borib — A. Poʻlat, Tasadduq
uloq II
ot 1. Echki bolasi.
Hozir yuzlab mayin junli qoʻzi va uloqqa egamiz. — S. Anorboyev, Oqsoy
Koʻz oldimga koʻm-koʻk oʻtloqlar oʻtlab yurgan jajji uloqlar, barra qoʻzichoqlar keladi. — N. Fozilov, Qush qanoti bilan
2. Har bir otliq oʻrtaga soʻyib tashlangan uloqni (odatda echki yoki kichikroq buzoqni) bir-biridan kuch bilan tortib olib, tezroq marraga eltib tashlash uchun kurashishdan iborat milliy sport oʻyini; koʻpkari.
Ot boqqaning — uloqqa, Qoʻy boqqaning — qoʻnoqqa. — Maqol
Uloqda otdan yiqilib boshi yorilgan, qoʻl-oyogʻi singan chavandozlar inqillashib yotmoqda. — M. Muhammadjonov, Turmush urinishlari
Himmatning zvenosidagi yigitlarning ikkitasi front koʻrgan qolganlari uloqlarda sovrin olgan yigitlar edilar. — M. Muhamedov, Qahramon izidan
3. Shunday sport musobaqasida oʻrtaga tikilgan — soʻyib tashlangan echki yoki buzoq.
[Qambar:] Uloq olish uchun chavandoz boʻlish kerak, ukam — Obidjon. Oybek, Tanlangan asarlar
Ana, bir otliq boshsiz uloqni taqimiga bosib, toʻyxonadan chiqdi. — T. Murod, Yulduzlar mangu yonadi