ufq

ot Ochiq joyda osmon bilan yerning yoki suv sathining koʻz ilgʻagan uzoqlikda oʻzaro tutashganday, yer bilan osmon qoʻshilganday boʻlib koʻringan chizigʻi, qismi; gorizont.

Gʻarbiy ufqda samolyotlar paydo boʻldi. Quyosh ufqqa yashirindi.

Ufqni oʻz gavdasi bilan toʻsgan past-baland togʻlar qop-qorayib koʻrinadi. — Shuhrat, Shinelli yillar

Kech kirib, quyosh gʻarbga yonboshlagach, ufq qip-qizil alanga ichida qolganday boʻldi. — J. Sharipov, Saodat

Endi-endi ufq yorishmoqda. — H. Nazir, Soʻnmas chaqmoqlar