тушовламоқ

фл. 1. Тушов билан оёқларини боғламоқ, оёғига тушов солмоқ.

Қўрадан ташқаридаги майдонда икки туя ёнма-ён чўктирилиб, тиззалари чилвир билан боғланган ва икки эшак тушовлаб қўйиб юборилган эди. — С. Айний, Қуллар

Отларни тушовлаб, ўтга қўйиб келаётган Шербек узоқдан: — Ҳорма, Сувонжон! — деб қичқирди. — С. Анорбоев, Оқсой

2. кўчма Эркин ҳаракатлана олмайдиган қилмоқ, измига бўйсундирмоқ.

Орамизда ҳеч нарса ёʻқлигини, бошқалар билмаса ҳам, сиз биласиз. Энди ўша ёлғон гап-сўзлар билан мени тушовлаб олмоқчимисиз? — П. Қодиров, Қалбдаги қуёш

Иброҳимбек мийиғида кулумсиради. Кулумсиради-ю, йигитни баҳарҳол тушовлаб олгандек туйди ўзини. — Ш. Холмирзаев, Қил кўприк

1. tusawlaw, ayağına tusaw salıw

2. авıс. boysındırıw, bağındırıw