tushov
тушовtushov
ot 1. Uzoqqa ketib qolmaslik uchun ot-ulov va mollarning oldingi ikki oyogʻini matashtirib bogʻlaydigan arqon yoki moslama.
Iskandar esa koʻrpachada yotgancha, bedasi oʻrilgan paykalda tushovini sudrab, hak(k)achaklab yurgan eshakdan koʻzini uzmasdi. — S. Nurov, Narvon
Xudoyorov otning tushovini yechib mindi-yu, orqasiga qaramay, joʻnab qoldi. — O. Qoʻchqorbekov, Choʻpon
2. koʻchma Umuman, erkin harakatlanishga qoʻymaydigan, uni bogʻlab qoʻyadigan narsa.
Aytadigan gapim yoʻq, bir zum chaynalib turib, kutilmaganda Oshno bergan vakolat yodimga tushdi-yu, tilimning tushovi yechildi. M. M. — Doʻst, Lolazor
- Oyoqqa tushov boʻlmoq Erkin harakatlanishga toʻsiq boʻlmoq, imkon bermaslik. oʻz vaqtida olib ketmaganimiz uchun oʻgʻit oyogʻimizga tushov boʻldi. — Mushtum
- Eshagiga (yoki uloviga) yarasha tushovi Bir-biriga yarasha, mos, munosib, monand kabi maʼnolarni ifodalaydigan ibora. Eshagiga yarasha tushovi demoqchisiz-da? — Uygʻun, Soʻnggi pushaymonBarakalla, uloviga yarasha tushovi deganlaridek texnikadan qiyinchilik tortgani uchun dard qolishyapti bular. — Y. Shamsharov, Dovruq
- Eshagidan tushovi qimmat Oʻzidan abzali, kerak-yarogʻi qimmat yoki xarajatni qoplamaydi degan maʼnoda ishlatiladigan ibora. Butun ish ketmonda bajarilardi. Natijada eshagidan tushovi qimmatga tushardi. — N. Safarov, Katta karvon yoʻlda