тушов
tushovтушов
от 1. Узоққа кетиб қолмаслик учун от-улов ва молларнинг олдинги икки оёғини маташтириб боғлайдиган арқон ёки мослама.
Искандар эса кўрпачада ётганча, бедаси ўрилган пайкалда тушовини судраб, ҳак(к)ачаклаб юрган эшакдан кўзини узмасди. — С. Нуров, Нарвон
Худоёров отнинг тушовини ечиб минди-ю, орқасига қарамай, жўнаб қолди. — О. Қўчқорбеков, Чўпон
2. кўчма Умуман, эркин ҳаракатланишга қўймайдиган, уни боғлаб қўядиган нарса.
Айтадиган гапим ёʻқ, бир зум чайналиб туриб, кутилмаганда Ошно берган ваколат ёдимга тушди-ю, тилимнинг тушови ечилди. М. М. — Дўст, Лолазор
- Оёққа тушов бўлмоқ Эркин ҳаракатланишга тўсиқ бўлмоқ, имкон бермаслик. ўз вақтида олиб кетмаганимиз учун ўғит оёғимизга тушов бўлди. — Муштум
- Эшагига (ёки уловига) яраша тушови Бир-бирига яраша, мос, муносиб, монанд каби маъноларни ифодалайдиган ибора. Эшагига яраша тушови демоқчисиз-да? — Уйғун, Сўнгги пушаймонБаракалла, уловига яраша тушови деганларидек техникадан қийинчилик тортгани учун дард қолишяпти булар. — Й. Шамшаров, Довруқ
- Эшагидан тушови қиммат Ўзидан абзали, керак-яроғи қиммат ёки харажатни қопламайди деган маънода ишлатиладиган ибора. Бутун иш кетмонда бажариларди. Натижада эшагидан тушови қимматга тушарди. — Н. Сафаров, Катта карвон ёʻлда