tugʻyon

ot 1. Toshqin, suv toshqini.

2. koʻchma Kuchli ichki tuygʻu-kechinmalar toʻlqini; zoʻr gʻalayon, gʻulgʻula.

Shodlik tugʻyoni. Tugʻyon qilmoq (urmoq).

Raʼno chuqur oʻylab qoldi. Hafiza yuragida qaynayotgan hislar tugʻyonini shundoq yuzidan sezib turardi. — Mirmuhsin, Umid

Chagʻalayday charx uradi Betinch oʻylarim, Tugʻyon ichra jim kezaman Dengiz boʻylarin. — E. Vohidov

Dilda yoshlik hissi tugʻyon qiladi Oʻriklar koʻpirib gullagan damda. — Uygʻun

Ehtiros tugʻyon urgan-da, aql chirogʻi xiralashadi. — T. Jalolov, Oltin qafas

3. koʻchma Gʻalayon, isyon.

Nur va maʼrifat sari talpinganlar, haqsizlikka qarshi tugʻyon koʻtarganlar amir zindonining abadiy mahbuslari boʻlgan. — Gazetadan