туғишган

от 1. Туғишмоқ феълидан сифатдош.

2. Бир ота-онадан туғилган.

Туғишган опа-сингиллар. Туғишган ака-ука. Чин дўст туғишганинг билан тенг. — Мақол

Бу уйда Гулнор опам учун сочим оқаргунча хизмат қилишни истар эдим. У мени туғишган опамдан афзал севади. — Ойбек, Танланган асарлар

3. Яқин қариндош.

Сизлар менга туғишганларимдан ҳам азиз бўлиб қолдингиз! — Ҳ. Ғулом, Машъал

Колхозчиларнинг каттаси-ю кичиги, эркаги-ю аёли унга туғишгандай яқин эди. — Ойбек, Олтин водийдан шабадалар