ЦИКЛИЧНОСТЬ ОСАДКОНАКОПЛЕНИЯ

чўкинди қатламлар кесимида жинс (фация)ларнинг маълум бир кетма-кетликда бир маромда такрорланиши. Шундай кетма-кетликда ҳосил бўлган жинсларнинг айрим пачкалари сиклотема ёки сиклитлар деб аталади. Чўкиндилар тўпланиши ва тузилишида танаффуслар ва улар остидаги жинсларнинг ювилиш излари намоён бўлса, у ҳолда сиклитлар тўлиқ ифодаланмайди. Ch.t.q.ning давомлилиги ва қалинлиги турли формацияларда турличадир. Мас., майда сикллилик флишга, йирик-молассга хос. Сиклитлар орасидаги танаффуслар муддати ҳамда улар чегараларидаги номувофиқликларнинг ифодаланиш даражаси сикллар тартибига пропорсионалдир. Сиклитлар қанчалик йирик бўлса, уларнинг тузилишидаги симметриклик ҳам шунчалик аниқ бўлади. Ч.т.қ. иқлимни, океанлар сатҳини, тектоник фаолликни, Ер яқинидаги космоснинг физик майдонлари таъсирини даврий ўзгариши билан аниқланади., Чўкинди тўпланиш сикллилиги