ЦИКЛИЧНОСТЬ ОСАДКОНАКОПЛЕНИЯ

choʻkindi qatlamlar kesimida jins (fatsiya)larning maʼlum bir ketma-ketlikda bir maromda takrorlanishi. Shunday ketma-ketlikda hosil boʻlgan jinslarning ayrim pachkalari siklotema yoki siklitlar deb ataladi. Choʻkindilar toʻplanishi va tuzilishida tanaffuslar va ular ostidagi jinslarning yuvilish izlari namoyon boʻlsa, u holda siklitlar toʻliq ifodalanmaydi. Ch.t.q.ning davomliligi va qalinligi turli formatsiyalarda turlichadir. Mas., mayda sikllilik flishga, yirik-molassga xos. Siklitlar orasidagi tanaffuslar muddati hamda ular chegaralaridagi nomuvofiqliklarning ifodalanish darajasi sikllar tartibiga proporsionaldir. Siklitlar qanchalik yirik boʻlsa, ularning tuzilishidagi simmetriklik ham shunchalik aniq boʻladi. Ch.t.q. iqlimni, okeanlar sathini, tektonik faollikni, Yer yaqinidagi kosmosning fizik maydonlari taʼsirini davriy oʻzgarishi bilan aniqlanadi., Choʻkindi toʻplanish siklliligi