Трёхстишие

учлик. Уч мисрали шеърий бандлардан иборат асар. Учликлар жуда кам қўлланиладиган шеърий банд бўлиб, уларнинг қофияланиш тартиби ҳам турличадир. Учликда кенг қўлланиладиган қофия турлари қуйидагилардан иборат: а) а — в — а, в — г — в, д — с — д... Бундай қофияланиш Ўрта асрлар италян ҳамда франсуз шеъриятида, кейинчалик қисман рус шеъриятида қўлланилган (қ. Ригурнел); б) а — б — а, а — б — а... (қ. Виланел); в) а — б — а, б — в — б, в — г — в... (қ. Терсина). Жаҳон халқлари адабиётида учлик шаклда Алигери Дантенинг «Илоҳий комедия» асари ёзилган. У қофияланиш шакли жиҳатидан терсинага тўғри келади.