ТРАНСПОРТИРОВКА БУРОВОЙ УСТАНОВКИ

махсус лойиҳа асосида амалга оширилади. Кўчиришга хавфсизлик қоидалари билан яхши таниш бўлган прораб ёки бригадир раҳбарлик қилади. Кўчиришдан аввал раҳбар трассанинг тайёрлигини текшириб чиқади, сўнг ҳамма жамоа аъзолари ва тракторчиларга ёʻл-ёʻриқ, кўрсатма беради, уларни кўчириш пайтида бериладиган шартли сигналлар билан таништиради. Шатакка олувчи тракторлар лойиҳада кўрсатилган масофада юриши лозим. Одатда миноранинг мувозанатини сақлаб туриш мақсадида трос билан шатакка олган тракторлар минора узунлигидан 10 м узоқроқ масофада юради. Минора ва блоклар ҳамма коммуникациялар (электренергия, сув ва пар ўтказувчи қувурлар ва б.) узилгандан сўнг пойдевордан туширилади. Кўчириш миноранинг болт билан қотирилган ҳамма қисмлари текширилган ва ишончли бўлганда бошланади. Минорани тутиб борувчи тракторлар қияликдан тушишда минорани орқа томонида, юқорига кўтарилишда минорани олд томонида трассанинг иккала ён қисми бўйлаб ундан 25 м масофада бориши лозим. Кўчиришда танаффус қилиш керак бўлса, минора уч томондан трос билан тортиб қўйилади. Электр симлари ўтган жойларда кўчиш симлар минора баландлигидан 10 м юқори бўлганда амалга оширилади. Б.қ.к. чоғида хавфсизлик қоидаларига амал қилмаганлар айбдорлик даражасига кўра маъмурий, интизомий, моддий ва жиноий жавобгарликка тортиладилар., Бурғилаш қурилмаларини кўчириш