ТРАНСПОРТИРОВКА БУРОВОЙ УСТАНОВКИ

maxsus loyiha asosida amalga oshiriladi. Koʻchirishga xavfsizlik qoidalari bilan yaxshi tanish boʻlgan prorab yoki brigadir rahbarlik qiladi. Koʻchirishdan avval rahbar trassaning tayyorligini tekshirib chiqadi, soʻng hamma jamoa aʼzolari va traktorchilarga yoʻl-yoʻriq, koʻrsatma beradi, ularni koʻchirish paytida beriladigan shartli signallar bilan tanishtiradi. Shatakka oluvchi traktorlar loyihada koʻrsatilgan masofada yurishi lozim. Odatda minoraning muvozanatini saqlab turish maqsadida tros bilan shatakka olgan traktorlar minora uzunligidan 10 m uzoqroq masofada yuradi. Minora va bloklar hamma kommunikatsiyalar (elektrenergiya, suv va par oʻtkazuvchi quvurlar va b.) uzilgandan soʻng poydevordan tushiriladi. Koʻchirish minoraning bolt bilan qotirilgan hamma qismlari tekshirilgan va ishonchli boʻlganda boshlanadi. Minorani tutib boruvchi traktorlar qiyalikdan tushishda minorani orqa tomonida, yuqoriga koʻtarilishda minorani old tomonida trassaning ikkala yon qismi boʻylab undan 25 m masofada borishi lozim. Koʻchirishda tanaffus qilish kerak boʻlsa, minora uch tomondan tros bilan tortib qoʻyiladi. Elektr simlari oʻtgan joylarda koʻchish simlar minora balandligidan 10 m yuqori boʻlganda amalga oshiriladi. B.q.k. chogʻida xavfsizlik qoidalariga amal qilmaganlar aybdorlik darajasiga koʻra maʼmuriy, intizomiy, moddiy va jinoiy javobgarlikka tortiladilar., Burgʻilash qurilmalarini koʻchirish