трагедия

tragediya, fojia

tragediya, fojia. Asosida kelishtirib boʻlmaydigan ziddiyat yotuvchi, oqibatda fojia bilan tugovchi dramatik turga mansub janr. Tragediya oʻz asosidagi konfliktning xarakteri va xarakterlarning oʻziga xosligi bilan drama va komediyadan ajralib turadi. Tragediyadagi konflikt juda ham shiddatli, keskin boʻlishi bilan birga, u hamma vaqt ijtimoiy-siyosiy taraqqiyot, insoniyatning ilgʻor maʼnaviy hayoti bilan bogʻliq holda hal etiladi. Shuning uchun ham tragediyada inson maishiy hayotining, tarixiy taraqqiyotning muhim masalalari falsafiy tarzda keskin hal etiladi. Hayotdagi ikir-chikir voqea-hodisalar, mahalliy yoki shaxsiy kolliziyalar tragediya uchun asos boʻla olmaydi. Mana shularni nazarda tutgan ulugʻ rus tanqidchisi V. G. Belinskiy tragediyaga «dramatik poeziyaning oliy bosqichi va gultojidir», deb baho bergan edi.