тоймоқ

toymoq

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

тоймоқ

фл. 1. И Силлиқ юзада монесиз сурилиб, сирғаниб кетмоқ; тойғанмоқ.

Назира шошиб ёнига қарамоқчи бўлганди, сувга энгашиб қолган қувур устидан пастга қараб оёғи тойиб кетди. — Д. Нурий, Осмон устуни

Кўча ва томлар қордан оқара бошлаган. У сирпаниб, тойиб, хизматкорхонага жўнади. — Ойбек, Танланган асарлар

2. кўчма Четга чиқмоқ, адашмоқ, озмоқ.

Шариат ёʻлидан тойган қизнинг сўзига ишонасанми? — Ойбек, Танланган асарлар

Оёғим сал тойдими, бас, бурнимни ерга ишқайдилар. — Ш. Рашидов, Бўрондан кучли

3. (фақат бўлишсиз шаклда) Қайтмоқ, тап тортмоқ.

У ҳеч нарсадан тоймайди. Яланғоч сувдан тоймас. — Мақол

Бориб турган шум, тошюрак бола эди, муштдек бошидан жониворларни қийнаб ўлдиришга ўрганган одам ўлдиришдан ҳам тоймайди. — М. Осим, Тилсиз гувоҳ

Айтганини қилиш учун ҳеч нарсадан тоймайди. — Р. Раҳмонов, Чангалзордаги шарпа

Жаддига тоймоқ Кимсанинг қилмиши учун айбдор бўлиб қолмоқ, жавоб бермоқ. Қилғилиқни Сидиқжон қилди-ю, жаддига биз тойиб кетдик-да. — Н. Сафаров, Уйғониш
Ҳолдан тоймоқ Тинка-мадори, силласи қуриб, ўлар ҳолатга етмоқ. Ёʻловчилар Устюрт саҳросида ўн беш кун ёʻл юриб, тоза чарчадилар, туялар ҳам ҳолдан тойди. — М. Осим, ЭлчиларМени навкарлар ҳолдан тойгунимча урдилар. — С. Сиёев, Ёруғлик