тўти

от 1. Тропик ўрмонларда яшайдиган, кўпчилик тури чиройли, ранг-баранг патли қуш.

Илҳом самоварчи одамни кўпроқ чақириш учун тўти сақлагандай, Ҳожи бобо уста Салимни тўти қилиб боқар эди. — Ғ. Ғулом, Шум бола

Тоғлардаги оҳулар, ўрмондаги тўтилар, чамандаги булбуллар ҳам ёлғиз эмас, жуфт яшайдилар. — А. Қодирий, Меҳробдан чаён

2. кўчма Жуда гўзал, нозанин аёл ҳақида.

Қизлар мажлиси гуллар, лолалар, тўтилар, қумрилар мажлиси! — А. Қодирий, Ўтган кунлар

Бир қиё боқдим, илиндим тўтининг занжирига, Ҳеч илож тополмадим парвардигор тақдирига. — М. Исмоилий, Фарғона тонг отгунча

3. кўчма Тақлидчи, ўзганинг гапини такрорлайдиган шахсга нисбатан қўлланади.

4. Тўти (хотин-қизлар исми).