тўртинчи

сон 1. Тартиб қатори, ўрни 4 рақами билан белгиланган, 4 номерли.

Тўртинчи уй. Тўртинчи бет. Тўртинчи синф.

Ниҳоят, тўртинчи куни ов бароридан келди. — А. Қаҳҳор, Олтин юлдуз

2. Катта-кичик нарсаларнинг учинчидан катта, бешинчидан кичик ўлчами.

Тўртинчи калиш.

3. от , тар. Октябрь тўнтаришининг дастлабки кунларида, фуқаролик уруши йилларида болшевикларга берилган ном (болшевиклар Таъсис мажлисига сайловларга кўрсатилган номзодлар рўйхатида тўртинчи ўринда бўлган).

[Мухтор:] Бугун қўлга олинадиган тўртинчиларнинг рўйхати Тўрабекка топширилган. Тўрабек бу топшириқни бажара олмаса, эртага ишимиз барбод бўлади. — А. Раҳмат, Абдулла Набиев

tórtinshi