ТОРПЕДИРОВАНИЕ СКВАЖИН

бурғ қудуғида портлатиш ишларини бажариш. Торпедалаш қаттиқ жинслардан таркиб топган ва семент ҳалқасида нуқсонлар бўлмаган қудуқларда бажарилади. Натижада қудуқ деворида турли ўлчамидаги ёриқлар ҳосил бўлади. Қудуқ губи атрофи зонасидаги тоғ жинсларининг ўтказувчанлиги кўпаяди ва қудуқнинг ишлаш самараси ошади. Қатламларни очишда портловчи (фугас) торпедаларининг (ер юзаси ва сув остида портлайдиган портловчи моддалар заряди) ЦҲ ва ЦҲТ туридаги шашкали торпедаларидан фойдаланилади. ЦҲ туридаги торпедалардан фақат ЦҲ-84 чиқарилади, қолганлари ЦҲТ билан алмаштирилган. ЦҲ-84 зарядининг иссиқликка чидамлилиги ва портловчи патронига кўра паст ва юқори температурада ишлатилиши мумкин. Торпеданинг максимал мумкин бўлган узунлиги портловчи моддаларнинг зичлиги, портловчи моддалар зарядининг массаси (кучли портловчи моддалар учун 5000 г, кучсизи учун 7000 г) ва заряд диаметрига қараб аниқланади. Торпеда (заряд)нинг диаметри қудуқ конструксияси, қатламнинг хоссаси ва торпедалашдан кутиладиган самарага кўра танланади (Т.8-жадвал). Қатламни сифатли очишда заряд диаметрининг қувур диаметрига нисбати 0,3—0,34 бўлган зарядлар ишлатилади. Қатлам юзаси ва тубига зарар етказмаслик учун торпедалар улардан узоқроқда жойлаштирилади. Қатламнинг қалинлиги катта бўлганда торпедалар бир-биридан 500 мм масофага жойлаштирилади. Маҳсулдор қатламдаги гилли қатчалар одатда портлатилмайди. Бир оралиқда портлаш-, Бурғ қудуқларини торпедалаш