toʻqol
тўқолtoʻqol I
ot 1. Shoxi yoʻq, shoxsiz.
Toʻqol sigir.
2. shv. Qisqa, kalta.
Oxiri u chidolmadi shekilli, nariroqdagi toʻqol tut tagiga borib oʻtirdi. — Mushtum
Qarasa, oʻsha oʻzini aldagan parizod toʻqol yolli toʻriq otni minib bir-bir bosib, irgʻalib borayotgan ekan. — Murodxon
toʻqol II
ot tar. Xotin ustiga olingan ikkinchi xotin.
Boshlab siz meni oʻz uyingizga olib borasiz. Qani, chindan ham xotinlaringiz oʻzlari ozodlikka chiqishni istamayotganmikin, koʻramiz. Ayniqsa, otasining qarzi evaziga olgan toʻqolingiz. — S. Anorboyev, Mehr
Toʻqol xotin aslida bekalarning choʻrisi. — Mirtemir