томмоқ
tommoqтоммоқ
фл. Томчилаб оқмоқ; чакка-чакка оқиб турмоқ, тушмоқ, томчиламоқ.
Хатга сиёҳ томди. Шимга ёғ томди. Томчи томиб бўлгунча, дарё оқиб ўтади. — Мақол
Тома-тома кўл бўлур, ҳеч томмаса, чўл бўлур. — Мақол
Совуқ томчилар унинг юзига, бўйнига томиб ғашини келтирди. — Ойбек, Қуёш қораймас
Кўз ёшлари эгарнинг қошига ва отнинг ёлига тома бошлайдир. — А. Қодирий, Ўтган кунлар
Унинг кўзларидан оппоқ соқолига қатра-қатра ёш томар эди. — А. Қаҳҳор, Асрор бобо
- Кўзларидан қон томади Ўта ғазабли ҳолатни қайд этади. Азим тажанг бир қадам олдинга ташлади. Кўзларидан қон томарди. — М. Исмоилий, Фарғона тонг отгунча
- Оғзидан (ёки лабидан, тилидан) бол (ёки асал) томади Ниҳоятда ширин сўз, хушмуомала. Каттадан-кичикка оғзидан бол томиб муомала қиладиган хола негадир мен билан тил учида сўрашиб қўя қолди. — Т. Алимов, ДашшўЛабларингиздан бол томади, ёниб турган оловсиз. — К. Яшин, Ҳамза
- Юзидан қон томади [Қишлоғимиз] Одамлари шунақанги хушбичимки, бир қарашдаёқ суқингиз киради. Юзларидан қон томади. — Э. Раимов, Ажаб қишлоқ
- Қамчисидан қон томади Ўта золим, қаҳри қаттиқ. Қиз аввал қўрқди, отаси унинг Сидиқжон билан сўзлашиб турганини эмас, боғга тушганини билса ҳам, терисига сомон тиқади: бу хусусда отасининг қамчисидан қон томар эди. — А. Қаҳҳор, Қўшчинор чироқлари