tomizmoq
томизмоқtomizmoq
fl. 1. Tommoq feʼlining orttirma nisbati.
Koʻzga dori tomizmoq.
Ota dekchasini osdi va chayladan shishadagi juvoz moyini keltirib, unga tomizdi. — H. Gʻulom, Mashʼal
[Qilichev] Ichki choʻntaklariga turli-tuman tabletkalar, hidlaydigan, yutadigan, tomizadigan dorilar solib yuradi. — Mirmuhsin, Zanglagan qilich
2. (faqat boʻlishsiz shaklda) Bir qatra ham anoyi qilmaslik, bekor ketkazmaslik, yordam koʻrsatmaslik.
U onasiga bir chakki tomizmaydi.
Boy pishiq odam, bir tiyinni chakki tomizmaydi. — Oybek, Ulugʻ yoʻl
- Ogʻziga suv tomizmoq Oʻlim toʻshagidagi bemorga suv tomizib, oxirgi yordam koʻrsatmoq. Reviziya arpa, bugʻdoy yetishmaganligini aniqlagan paytda, Aliqulning ogʻziga suv tomizilayotgani toʻgʻrisida mish-mish tarqatildi. — Sh. Rashidov, Boʻrondan kuchli
- Oqizmay-tomizmay Hech bir soʻzini qoldirmay, bor (boʻlgan) gapni toʻlaligicha. Jannatxon otasiga dasturxon yozdi, otasini siyladi, lekin erining soʻzlarini ham oqizmay-tomizmay yetkazdi. — I. Rahim, Taqsir