tomchi

ot 1. Suyuqlikning zarrachalari tortishuvi natijasida aylanma sirt bilan chegaralangan, bir tomishdan hosil boʻlgan alohida kichik boʻlagi.

Suv tomchisi. Yomgʻir tomchilari. Bir tomchi ham qoldirmay ichmoq. Tomchi sel boʻlmas, dushman el boʻlmas. — Maqol

Tomchi toshni teshadi. — Maqol

Bir tomchi suv chumoliga daryo koʻrinadi. — Maqol

Bu gal qusuq qonga aylangan edi, [Kumushning] burnidan ham bir necha tomchi qon oqdi. — A. Qodiriy, Oʻtgan kunlar

Uning [dehqonning] oftobda kuyib pishgan, etsiz, yirik yonoqli yuzida koʻz yoshimi, termi, har holda tomchilar yumalanar edi. — Oybek, Tanlangan asarlar

2. shv. ayn. Chakka II.

Tomdan tomchi oʻtayotir.

Yomon boʻlganda qanday — umrning zavoli. Onam, tomchining har chiq etgani — bir kunlik umrning chiqqani, deydilar. — P. Tursun, Oʻqituvchi