toʻlmoq

тўлмоқ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

toʻlmoq

fl. 1. Boʻsh joyi qolmay egallanmoq, band boʻlmoq.

Hovuz toʻldi. Zal toʻldi. Koʻcha odamga toʻldi. Qop toʻldi. Daftarning ikki beti toʻldi. Koʻzi yoshga toʻldi.

2. Koʻp yoki yetarli miqdorda biror narsaga ega boʻlmoq, egallab olmoq, qamrab olmoq; qoplanmoq, burkanmoq.

Gullar hidiga toʻlgan iliq, mast qiluvchi havo. — Oybek, Tanlangan asarlar

Jajjigina xona billur qandildan yogʻilayotgan nurga toʻlgan — Oʻ. Hoshimov, Qalbingga quloq sol

Gʻulomjonning yuragi achishdi. Uning yuragida shu alamlar zahri toʻlib yotardi. — M. Ismoiliy, Fargʻona tong otguncha

Bir zumda eshik bolalar chugʻuriga toʻldi. — M. Ismoiliy, Fargʻona tong otguncha

Lolaga toʻldi dala, Chakkangga taq, chakkangga. Sarasi targʻil lola, Chakkangga taq, chakkangga. — T. Toʻla

Eng ulugʻ bayram bugun, Keling, oʻrtoqlar. Nurlarga toʻldi bugun Uylar, oʻtloqlar. — I. Muslim

3. koʻchma His-tuygʻu, ichki kechinma va shu kabilar bilan oshib-toshmoq.

Onaning yuragi umid va quvonchga toʻldi. — Oybek, Oltin vodiydan shabadalar

Uning [Laʼlining] biyron-biyron soʻzlarini eshitgan Mirhosil mahliyo boʻlib qoldi, koʻkragi zavq-shavqqa toʻldi. — H. Gʻulom, Mashʼal

Gapingning yolgʻoni bilinib qoldi, Shu sababdan Yodgor gʻazabga toʻldi. — Yodgor

4. koʻchma Ayn. toʻliqmoq.

Oʻjar erdan toʻlib yurgan kampir bir ogʻiz gap bilan yarasiga tuz sepgandek boʻldi. — S. Abdulla, Soyalar

Haydar ota undan [kampirdan] Yodgorboyni soʻrab: — Xat kelib turibdimi? — degan edi, kampir oʻzi toʻlib turgan ekan, koʻz yoshi qildi. — A. Qahhor, Asror bobo

5. Son-miqdor, vaqtning maʼlum bir darajasini egallamoq.

Men, oʻn oltiga rosa toʻlmagan qiz, birdan yot va katta oilaga tushib qoldim. — Oybek, Tanlangan asarlar

Oʻn besh kunga toʻlganida oy, Koʻkka chiqib, tunni axtardi, Orqasidan baland osmonda Olam-olam yulduzlar bordi. — H. Olimjon

Hurmatli ustozning poyqadami yetganiga bugun rosa uch yil toʻldi. — M. Ismoiliy, Fargʻona tong otguncha

Paxta ekdik, boʻlsin deb, Shartnomamiz toʻlsin deb, Yuz sentnerga qoʻl qoʻydik Dushman kuyib oʻlsin deb. — Qoʻshiqlar

6. Mukammallashmoq, raso, but boʻlmoq; oʻrni qoplanmoq.

Guruh toʻldi. Shtat toʻldi. Chalasi toʻldi. Zararning oʻrni toʻldi.

7. Et qoʻymoq; semirmoq, toʻlishmoq.

Zaynab Kumushning toʻlib yetmagan gavdasiga va gʻubor tegmagan husniga hayron boʻlib, mulohazasini aytishdan qoʻrqdi. — A. Qodiriy, Oʻtgan kunlar

Saltanatxon kurortdan qaytib keldilarmi? Oyday toʻlib, kunday kulib kelgandirlar boʻlmasam? — S. Abduqahhor, Sanamay sakkiz dema

Kuni (yoki qazosi, paymonasi) toʻlmoq Kuni bitmoq, qazosi yetmoq, oʻlar chogʻi kelmoq. Xudo sening aql-u hushing oldimi? Ajal yetib, sening kuning toʻldimi? — RustamxonTaralganda toza gullar soʻlmasin, Omon boʻlsin, paymonasi toʻlmasin. — Erali va SheraliQazom toʻlsa, qadam bosmay oʻlayin. — Nurali
Aqli (yoki miyasi) toʻlmoq Aqli oʻsib, voyaga yetmoq, aqli yetilmoq. Kitob oʻqigan kishining miyasi tobora ochiladi, toʻladi. — P. Tursun, Oʻqituvchi
Ichi (yoki yuragi) toʻlmoq Toʻliqmoq, diqqinafas boʻlmoq, diqqati oshmoq. Toʻgʻrisi, uydagi gaplarni hammadan bekita-bekita, ichim toʻlib ketdi. — H. Nazir, Yonar daryoYuragi toʻlib ketgan paytlarida esa hamma-hammasi Zubaydaxonlarnikiga chiqadi. — K. Yashin, Hamza
Koʻngli toʻlmoq
Sabr kosasi toʻlmoq
Uyi toʻlib qoldi Kimsaning safardagi yaqin kishisi kelib, uning oilasi jamuljam boʻlganda aytiladigan ibora. Yigitcha frontchi akasining kelishidan, uyi toʻlib qolishidan quvonchi ichiga sigʻmadi. — S. Ahmad, Ufq
Oʻpkasi toʻlmoq