tok

ot 1. Uzum oʻsimligi.

Uch tup tok. Tok ochmoq. Tokni koʻmmoq. Bir tup tok eksang, bir tup tol ek. — Maqol

Hovlining yonida chorbogʻ, chorbogʻda rasta-rasta qilib, havozaga koʻtarilgan toklar. — S. Ayniy, Qullar

Uzum tok bargidan ham koʻp. — Oybek, Tanlangan asarlar

2. Tok oshi Kovatok solingan osh.

Tok oshi qilgudek boʻlib qolgan barglar yonida gʻuj-gʻuj uzum shoʻralari paydo boʻla boshlabdi. — Gazetadan

Mana, bir necha yildan beri bahor kelganda tok oshi qilamiz. — Shukrullo, Javohirlar sandigʻi

ot Elektr zaryadlarining maʼlum tomonga yoʻnalgan oqimi; elektr.

Oʻzgaruvchan tok. Oʻzgarmas tok. Kuchli tok. Kuchsiz tok. Elektr toki. Knopkani bosib, tokni ulamoq.

Shunday qilib, oʻtkazgichdan tok oʻtganda ajralib chiqadigan issiqlikning miqdori tok kattaligining kvadratiga toʻgʻri mutanosib ekan. — Oʻ. Hoshimov, Qalbingga quloq sol