титроқ

titroq

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

титроқ

от 1. Совуқдан, қўрқувдан, ҳаяжондан ёки дармонсизлик, касаллик ва шу кабилардан юзага келадиган ғайришуурий ҳаракат, қалтироқ.

[Сидиқжоннинг] Телеграмма қоғозини тутиб турган қўли титрарди. Бу титроқ аста-секин бутун вужудини қамраб олди. — Э. Усмонов, Кўнгил

Адолат сурбет Бозоровни кўриши билан ғазабдан қалтиради ва титроғини босиш учун пахта тераверди. — И. Раҳим, Чин муҳаббат

2. сфт. Титраб, қалтираб турадиган, титрайдиган, титроқли; қалтироқ.

Титроқ қўл. Титроқ оёқ.

Муҳаммаджон унинг титроқ лабларига суқланиб қаради-ю, лекин журъат этолмай, қўлидан чўпиллатиб ўпди. — П. Қодиров, Уч илдиз

Замира унинг титроқ вужуди ва ҳаддан ташқари оловли қарашига тоб беролмай, стол устига пастроқ энгашди. — П. Қодиров, Уч илдиз

3. сфт. Тўлқинланиб ёки узилиб-узилиб чиқадиган (асосан овоз, товуш ҳақида).

У, оппоқ рўмолчаси билан кўзларидан дона-дона оқиб тушаётган ёшини артиб, титроқ овоз билан жавоб берди. — Ш. Рашидов, Бўрондан кучли

Титроқ босмоқ (ёки турмоқ, кирмоқ, югурмоқ) Титроқ пайдо бўлмоқ, эгалламоқ. Наҳотки Аҳмад танбал қўлга тушган бўлса? Унда сир очилади Ёқуббекни титроқ босди. — П. Қодиров, Юлдузли тунларКўйинг, дадаси, ҳадеб ич-ичингизни тимдалайверманг. Ҳар чўт қоққанингизда бир титроқ туради. — Ҳ. Ғулом, МашъалЎрмонжон Қўрққан олдин мушт кўтарар деган хаёлда вужудига титроқ кириб, секин курсига ўтирар экан — А. Қаҳҳор, Қўшчинор чироқлариМайна бир дақиқа кўзини юмди, ғазабдан бутун аъзосига титроқ югурди. — Ш. Тошматов, Эрк қуши