тиқилмоқ

tiqilmoq

5 та луғатда учрайди ЖСОН Шеваларда Барча қидирув натижалари

Изоҳли луғат

тиқилмоқ

фл. 1. Тиқмоқ феълининг ўзлик ва мажҳул нисбатлари.

Шиша оғзига пўкак тиқилган. Қопга ун тиқилди.

Хуржуннинг бир кўзида тугун, бир кўзида ўраб тиқилган жун қоплар. — С. Анорбоев, Оқсой

Гўрга тиқилгур очофатлар, мол талашиб, сандиқни ҳам синдиришди. — И. Раҳим, Чин муҳаббат

2. Лой ёки юмшоқ жойга ботиб қўзғалолмай, юролмай қолмоқ.

Машина кичик бир ариққа тиқилиб қолди.

Оти лойга тиқилган навкарлардан бири Тоҳир эди. — П. Қодиров, Юлдузли тунлар

Арава лойларга тиқилавериб, жонимиздан тўйдирди. — П. Қодиров, Юлдузли тунлар

3. Топ, зиқ жойдан ўрин олмоқ, жойлашмоқ.

Аъзам уч-тўрт кун кўчада бош ургани жой тополмай дайдиб юргач, шаҳар четидаги кўримсизгина бир масжид қоровулининг мол боғласа турмайдиган ҳужрасига бориб тиқилди. — Шуҳрат, Жаннат қидирганлар

Мана, ҳозир яраланган бўридек кавакка ти-қилиб ўтирибди. — С. Юнусов, Кутилмаган хазина

Семизлигидан партага тиқилиб ўтирган бир киши томоқ қириб, мўйловини бураб қўйди. — С. Зуннунова, Янги директор

4. Бирор нарса ёки кимсага ёпишмоқ; зич, тирбанд нарса ёки одамлар орасидан жой олмоқ.

Эски кир чопонни кийгач, айвонга чиқди, ўҳў-ўҳўлаб ёʻталганча, танчага тик,илди. — Ойбек, Улуғ ёʻл

Нурини нақ мозористонда ёлғиз қолган каби бир ваҳима босди, ранги ўчиб, кампирнинг пинжига тикилди. — Ойбек, Танланган асарлар

Эшик олдида одамлар орасига тиқилиб, Бозорбой ҳам ўтирган экан — П. Турсун, Ўқитувчи

5. Кўп миқдорда ва зич, тиғиз жойлашган ҳолатда бўлмоқ.

Мана, бир томондан дераза ўрнига туйнук очилган кичкина қоронғи уйда ўн-ўн беш чоғли хотин ўтирибди. Улар эски, лекин озодагина кўрпа ёпилган сандал атрофига тикилишиб, секин-секин суҳбатлашишарди. — С. Зуннунова, Гулхан

6. кўчма Жуда кўп миқдорда бўлмоқ, мўл-кўл бўлмоқ.

Магазинда хоҳлаган нарсанг тиқилиб ётибди.

— Тут мева қилади-ку, отажон. Куртлар тол баргини ея қолсин, ариқ бўйида тиқилиб ётибди-ку, — деганди қизалоқ. — Й. Муқимов, Ипак толаси

7. Томоқдан ўтмай тўхтаб қолмоқ.

Унинг томоғига нон тиқилибди.

Сафаров., муш-тининг қирраси билан унинг кекирдагига туширди. Ёʻғон киши чалқанча йиқилди ва сўйилган товуқдай типирчилаб, суяк тиқилган итдай хириллай бошлади. — А. Қаҳҳор, Қўшчинор чироқлари

[Ўринбоев] Шунча қаттиқ гапиргани билан, худди томоғига дон тиқилган хўроздек, овози чиқмайди. — А. Муҳиддин, Тўғри таъбир

8. Бошқаларнинг гапи, суҳбати ва шу кабиларга аралашмоқ, суқилмоқ.

Бу ишга сен тиқилма.

Иккинчи навкар яқин келиб, бўйнини чўзиб тиқилди: — Сиз кимсиз? Нега таслим бўламиз? — сўради у. — Ойбек, Навоий

Жони ҳалқумига тиқилмоқ Агар ҳар йил жасорат кўрсатамиз десак, жонимиз ҳалқумимизга тиқилиши мумкин. — Ш. Рашидов, Бўрондан кучли
Нафаси тиқилмоқ ёки нафаси оғзига (ёки бўғзига, ҳалқумига) тиқилмоқ Нафас олиши оғирлашмоқ (маълум сабаб таъсирида). Суғдларнинг ашаддий душмани бўлган Эрон шоҳи ва унинг қора ниятлари тўғрисида гапирар экан, ғазабдан нафаси сиқилар, кўзлари ўт сочар эди. — М. Осим, Аждодларимиз қиссасиЁʻқ, жоним, ёруққина айвон тузук менга, уйда нафасим тиқилиб кетади. — Ойбек, Улуғ ёʻлТез юриб келганларидан бўлса керак, нафаслари оғзиларига тиқилиб, ҳарс-ҳарс қилардилар. — Э. Раимов, Ажаб қишлоқ— Қумқишлоққа юборилган йигитлар қирилибди, — деди Бек нафаси бўғзига тиқилиб. — Ҳ. Ғулом, МашъалБектемирнинг лаблари қовжираган, нафаси ҳалқумига тиқилган, оғир ҳансирарди. — Ойбек, Қуёш қораймас
Пинжига тиқилмоқ Шахсий манфаат, ғаразли мақсад билан кимсага яқинлашмоқ. Ер-сувли одамлар қийналиб қолсалар, дарров уларнинг пинжига тиқилар ё ўртага киши қўйиб, ерни тезроқ ўз қўлига ўтказишга тиришар эди. — Ойбек, Танланган асарлар
Ўпкаси ҳалқумига (ёки оғзига) тиқилмоқ Бутун вужудини ларзага солган титроқ пайдо бўлди. Ўпкаси ҳалқумига тиқилиб, нафаси қисилди. — М. Хайруллаев, Тилла маржон