Тип литературный

adabiy tip. Biror sotsial guruh, sinf, xalq uchun xarakterli xususiyatlarni oʻzida mujassamlashtirgan, shu bilan birga individ boʻlgan badiiy obraz. Adabiy tipning individualligi ham, ijtimoiyligi ham teng ahamiyatlidir. Bu ikki xususiyat biri ikkinchisini toʻldiradi hamda taqozo etadi. Adabiy tiplarning ahamiyati juda kattadir. Adabiy tip maʼlum ijtimoiy-siyosiy kuchning ifodasidir. Maksim Gorkiy yaratgan Pavel Vlasov obrazi Rossiyada siyosiy kuch sifatida yetilib kelayotgan proletariat harakatini koʻrsatuvchi adabiy tip edi. Adabiy tiplar salbiy yoki ijobiy boʻladi. Har bir davr adabiyotining oʻziga xos adabiy tiplari boʻlgan. Yevgeniy Onegin, Pechorin, Rudin, Gʻofir, Jamila, Yoʻlchi yoki Otabek obrazlari ana shunday adabiy tiplardan edi.