Тип литературный

адабий тип. Бирор социал гуруҳ, синф, халқ учун характерли хусусиятларни ўзида мужассамлаштирган, шу билан бирга индивид бўлган бадиий образ. Адабий типнинг индивидуаллиги ҳам, ижтимоийлиги ҳам тенг аҳамиятлидир. Бу икки хусусият бири иккинчисини тўлдиради ҳамда тақозо этади. Адабий типларнинг аҳамияти жуда каттадир. Адабий тип маълум ижтимоий-сиёсий кучнинг ифодасидир. Максим Горкий яратган Павел Власов образи Россияда сиёсий куч сифатида етилиб келаётган пролетариат ҳаракатини кўрсатувчи адабий тип эди. Адабий типлар салбий ёки ижобий бўлади. Ҳар бир давр адабиётининг ўзига хос адабий типлари бўлган. Евгений Онегин, Печорин, Рудин, Ғофир, Жамила, Ёʻлчи ёки Отабек образлари ана шундай адабий типлардан эди.