тиканак

tikanak

4 та луғатда учрайди ЖСОН Шеваларда Барча қидирув натижалари

Изоҳли луғат

тиканак

от 1. Тиканли ўсимликларнинг умумий номи.

Онахон тиканак босиб кетган гўристон устидан тўғри темир ёʻл устахонаси томонга ёʻл олди. А. — Мухтор, Опа-сингиллар

Чўққининг ўрта ерида, Тошбулоқ яқинида тиканак ва арча чўкиртакларидан гулхан ёқилгач, болаларнинг қувончи яна қанотланди. — Ҳ. Назир, Сўнмас чақмоқлар

2. айн. Тикан.

— Оёқларимни ари талаб кетди! — деб типирчилаб ўтириб олди. Болалар эгилишиб қарашса, ари деган нарса кўринмасди. Фақат пайпоғининг ҳамма ёғига тиканаклар ёпишиб олганди. — Ҳ. Назир, Сўнмас чақмоқлар

[Абдусамад] Ўгай отанинг кўзига тиканак бўлмаслик учун бир бурчакка тиқилиб ухлаб қолар эди. — Ойбек, Навоий

Тиканак туз Новвоцимон кристалланган йирик туз. Бало-қазони ҳозир даф қиламиз. Битта товоққа кул солиб, тиканак туз билан бир кафт исириқнинг донидан олиб келинг. — Р. Файзий, Ҳазрати инсон
Чақир тиканак Пояси ётиб ўсадиган ёввойи ўт ва унинг юлдузча шаклидаги тикани (тиканларидан бири юқорига қараб ўсган бўлади). Оёқларимга чақир тиканаклар кириб, ҳамма нарса ёʻлимни тўсарди. — Э. Раимов, Ажаб қишлоқ