тетиклик

от 1. Тетик, бардам ҳолатга эгалик.

Унинг [Асрорқулнинг] тетиклиги, шахдам қадам ташлаши, ёш болага чиққан соқолдай, кишининг кулгисини қистатар эди. — А. Қаҳҳор, Асрор бобо

2. Куч-қувватга тўла, тетик, бардам кишиларга хос жисмоний ва руҳий ҳолат; бардамлик.

Йигитали ачасининг дардни енгиб, туриб кетишидан ранжиса ҳам, юзидаги тетикликдан хурсанд бўлди. — Д. Нурий, Осмон устуни

У кўзини очиб, ўзини тетикликка солди ва Каримжон билан самимий кўришди. — Ғайратий, Узоқдаги ёр