тетапоя

1. Зўрға, у ёқ-бу ёққа ташланиб бўладиган (асосан боланинг қадами ҳақида).

Бола она атрофида, тол тагида Юра бошлар, қадамлари тетапоя. — Ҳ. Пўлат

2. Ана шундай қадамлар билан юрадиган.

Тетапоя болани сўқмоқ ёʻлдан катта ёʻлга чиқариб юборган муаллимнинг инсон ҳаётида озмунча ҳиссаси борми! — А. Маъзумов, Мураббий

Оёғи остида ўралашиб юрган тетапоя қизчасини йиқитиб ўтиб кетди. — Шуҳрат, Жаннат қидирганлар

Румия беморлик тўшагида узоқ ётди. Тетапоя бўлиб юра бош-лаганидан кейин ҳам оғир изтироб чекадиган бир турда бўлиб қолди. — С. Кароматов, Сўнгги бархан

3. кўчма Ўз ҳаёти, фаолиятида энди иш бошлаган, энди мустақил ҳаёт кечира бош-лаган, ҳали мустаҳкам оёққа туриб олмаган (оила, ташкилот, жамоа ва шу кабилар ҳақида).

Коллективимизнинг тетапоя вақти ўтиб кетган, энди уни бузолмайсиз, ўртоқ Раҳмонқулов! — А. Мухтор, Туғилиш

Колхоз энди тетапоя бўлаётган кунларда душман хуруж қилди, жамоат мулкига ўт қўйдилар, уруғлик ғаллани ўғирладилар, турли-туман миш-мишлар тарқатдилар. — Ш. Рашидов, Бўрондан кучли

Пахта нима, деҳқончилик нима — энди тетапоя бўлиб ўрганиб келяпсизлар. — Ҳ. Назир, Чўл ҳавоси

endi júrip úyrengen (balalardıń qádem basıwǵa úyreniwi)