тестлаш

Қурилма ёки дастурий таъминот тўғри ишлаётганини ёки унинг иш тезлигини аниқлаш жараёни. Тестлаш уч асосий босқичга ажратилади. Булар ишлаб чиқиш, сифат назорати ва яратилаётган обектни татбиқ қилиш босқичларидир. Ҳар бир босқичда шу босқич тестлари амалга оширилади. Буларнинг ҳаммаси обектнинг сифатини ва обектларнинг бехато ишлашини кафолатлайди. Тестлаш техник ва дастурий маҳсулотларни ташхислашни ва ҳақиқийлигини тасдиқлашни таъминлайди, уларнинг техник талабларга мослигини текширади. Тестлаш учун аппаратлар ёки дастурлар, масалан, мантиқий таҳлилчилар ишлатилади. Тестлаш дастурлардаги хатоликларни аниқлаш имконини беради холос. Уларни тузатиш дастурларни созлашда амалга оширилади.инглизчаtestingрусчатестирование